अखेर टेरारियम टीव्ही बंद पडला

 

हा टीव्ही असा होता जो घरातल्या ईडीयट बॉक्सपेक्षाही प्रेक्षकांना आवडला होता. फुकटात नेटफ्लिक्स, अमेझॉन, युट्यूब रेड सारख्यांच्या सिरीज , नवे जुने चांगल्या वाईट क्वालिटीचे सिनेमे दाखवणारे हे अॅप प्रचंड फेमस झालं होतं. हे अॅप बंद झाल्यानं मी तर निराश झालोच आहे, माझ्यासारखे आशिया खंडातील असंख्य प्रेक्षक निराश झालेत. 

साधारणपणे २-३ वर्ष झाली असतील मी माझ्या बहिणीकडे गेलो असताना आमच्या नव्या वेबसिरीज, नवे पिक्चर यावर गप्पा सुरू होत्या तेव्हा बहिणीने विचारलं की तू टेरारियम टीव्ही वापरतोस का? मी म्हटलं ‘नाही’  त्यानंतर माझी या अॅपशी खऱ्या अर्थाने ओळख झाली आणि पहिल्या नजरेतील प्रेमाप्रमाणे माझं अॅपवरील प्रेमही जुळलं.रिकाम्या वेळेत, डोकं विचार करून गंजलं असताना या अॅपने आधार दिला. या अॅपच्या आधारे मी असंख्य वेबसिरीज आणि सिनेमे पाहिले आहेत, ते डाऊनलोडही केले आहेत. त्यामुळे हे अॅप बंद होणं हा माझ्यासाठी एक धक्का नक्कीच होता. 

नेटफ्लिक्ससारख्या बड्या कंपन्यांनी त्यांच्या उद्योगावर परिणाम होत असल्याने टेरारियम टीव्ही आणि त्यासारख्या इतर अॅपविरूद्ध कारवाई करण्याचं ठरवलं होतं. करोडो रुपये खर्च करून आणि त्याही पेक्षा जास्त पैसे मिळणार असताना टेरारियम टीव्हीसारखी उपद्रवी अॅप त्यांचा धंदा तोडत होते. कोणत्याही व्यावसायिकाला ही गोष्ट पटू शकणार नाही. त्यामुळे पीटर चॅन ज्याचं टोपण नाव निट्रो झेनॉन असं आहे त्याने एके दिवशी घोषणा करून टाकली की टेरारियम टीव्हीचा गाशा गुंडाळतोय, आणि याबद्दल मला वाईट वाटतंय. 

टेरारियम टीव्ही बंद पडल्यानंतर ते अॅप वापरणाऱ्यांना नोटिफिकेशनच्या माध्यमातून काही सूचना यायला लागल्या, ज्या चिंताजनक आहेत. अॅप ताबडतोब अनइन्स्टॉल करा अन्यथा तुमची माहिती वापरली जाईल. अनेकांनी ताबडतोब पीटरला याबाबत विचारणा केली, यावर त्याने ही बाब खरी असल्याचं सांगितलं. पीटर म्हणाला की कोणतंही अॅप हे आय.पी अड्रेस ट्रॅक करत असतं, आणि तो साठवला जात असतो. जर मला सुरक्षा यंत्रणांनी हे आयपी अॅड्रेस विचारले तर मला ते द्यावे लागतील. त्याच्या या उत्तराने सध्या जाम खळबळ उडाली आहे. कारण त्याने हा उद्योग अॅप जेव्हा सुरू होतं तेव्हा पैसे कमावण्यासाठीही केला असावा असा अनेकांना संशय आहे. म्हणजेच अॅप सुरू असताना त्याने प्रेक्षकांची गोपनीय माहिती इच्छुकांना विकली असावी असा अंदाज आहे, असं केल्याशिवाय त्याला फुकटात हे अॅप चालवणं शक्य नाही असा  दावा केला जात आहे. 

टेरारियम टीव्ही बंद पडलाय मात्र त्याची जागा इतरांनी घ्यायला सुरूवात केली आहे. अशी कोणची ३ अॅप आहेत जी या अॅपला टक्कर देतायत, किंवा देऊ शकतायत ते पाहूयात

FreeFlix HQ

टेरारियम टीव्ही असताना या अॅपकडे फारसं लक्ष गेलं नव्हतं, मात्र आता हे अम जरा जास्त फॉर्मात आलं आहे.

Kodi

कोडी हा मिडीया प्लेअर होता जो नंतर टेरारियम टीव्हीला मनोरंजनाची रसद पुरवणारा मोठं माध्यम बनला होता. टेरारियम टीव्ही गेल्यानंतर त्याची जागा भरून काढण्यासाठी कोडीकडे सगळी क्षमता आहे.

TeaTV

टेरारियम टीव्हीची जेव्हा सुरूवात झाली तेव्हाच टी-टीव्हीचीही सुरूवात झाली होती. मात्र टेरारियम टीव्ही जितका प्रसिद्ध झाला तितका टीचीव्ही प्रसिद्ध झाला नाही. टीटीव्हीने गेल्या काही महिन्यात बरीच सुधारणा केली असून त्याचा त्यांना आता फायदा होऊ शकतो.